Голема полициска акција утринава се спроведува во Ваксинце, селото за кое во медиумите пишуваше дека имало огромен број на мигранти, пишува Вечер. Полицијата според првичните сознанија затекнала 120 мигранти во селото. Дел од нив биле во куќите.
Од МВР за МИА потврдија дека акцијата е завршена. Според првичните информации, откриени се околу 120 илегални мигранти, од кои триесетина биле сместени по куќи во селото.
Против лица од Вакцинце за кои ќе се утврди дека криумчареле мигранти ќе бидат поднесени кривични пријави.
Во акцијата е пронајдено и едно лице кое се барало по потерница за извршено убиство.
Повеќе информации за случувањата во Ваксинце, МВР најавува во текот на денот.
