Полските навивачи заработија казни од по 150 евра за меѓусебната пресметка во Градскиот парк во Скопје.
Приведени беа 223 навивачи, а казната се однедува за прекршоци за нарушување на јавниот ред и мир.
Во петокот, пред почетокот на фудбалскиот натпревар меѓу репрезентациите на Македонија и Полска, поголема група полски навивачи се степаа, по што беа приведени 223 лица и со автобуси однесени во полициските станици Ѓорче Петров, Карпош, Кисела Вода и Гази Баба.
