Пратениците од опозицијата што ја бојкотираат работата на Собранието поради случувањата од 24 декември ќе добиваат по една третина од платата.
Собранието се повикува на законската одредба со која е предвидено дека висината на платата на пратеник што не учествува во работата на парламентот по јавно дадена изјава за тоа ќе изнесува една третина од платата исплатена во последниот месец.
СДСМ реагира на одлуката истакнувајќи дека за нив претседателот на Собранието нема кредибилитет да се повикува на закон.
– Kратењето на платите е мала цена за демократијата, слободата и за политичката борба за враќање на Македонија во вистинска насока – се посочува во реакцијата од СДСМ.
Од Собранието вратија дека законите треба да се почитуваат без да им се дава политичка конотација.
– Речиси никаде во светот, бојкотот на законодавен дом не се одобрува и применува – се наведува во реакцијата од Собранието.
Dnevnik
