Бев погоден од трагедијата и како лекар и како човек.
Вака докторот Петар Динев раскажува како се чувствувал за смртта на малото бебенце во сообраќајката кај Демир Капија која го потресе целиот Балкан.
– Во еден момент ги отвори очите, ме погледна и почина…Срцето ми застана во моментот кога сфатив дека бебето почина. До последен момент се трудевме и дававме се од себе. Нема потешко нешто од ова, вели лекарот Петер Денев за српскиот Курир.
Др. Динев вели дека бебето имало повреди, но не крварело. Го реанимирале, но за жал бебето подлегнало на повредите. Лекарот вели дека во возилото настанал молк кога сфатиле дека малиот Андреја не дише.
– Со години се занимавам со оваа професија, сум видел и поминал се, но оваа трагедија најтешко ми падна. Сликата на бебето и понатаму ми е пред очи, затоа и ми е тешко да зборувам, сведочи тој.
