Едно лице загина во сообраќајната несреќа што вчеравечер се случила на пет километри од грачко-македонската граница на автопатот Солун – Гевгелија, во близина на преминот Поликастро. Од Министерството за надворешни работи за „Република“ информираат дека се работи за 29-годишниот М.С. од Скопје.
фото – мкд.мк
Тој управувајќи со своето возило „шкода суперб“ излетал од коловозот и се забил во дрво. Другите патници во автомобилот се во добра здравствена состојба.
Генералниот конзулат на Македонија во Солун постојано е во контакт со полицијата и со семејството на загинатиот. Се очекува неговото тело да биде донесено во Македонија доцна вечерва.
Неофицијално, според сведоци на оваа сообраќајна несреќа, во возилото биле сопругата на возачот, која била бремена, едно двегодишно дете и уште една повозрасна жена.
