Пратеничката од СДСМ, Кети Смилеска e позитивна на коронавирусот и дека е хоспитализирана во прилепската болница. Таа резултатот го добила вчера, а од саботата е во болница, дознава „Плусинфо“.
Пратеничката вели дека не знае од кога е заразена и не знае како заболила, бидејќи заедно со децата била во самоизолација еден месец, а единствено, поради работни обврски, излегувал од дома нејзиниот сопруг. Сопругот на пратеничката се тестирал на ковид-19, но сѐ уште ги чека резултатите.
– Се тестирав бидејќи имав симптоми. Прво почувствував општа малаксаност и болки во мускулите. Потоа имав висока температура, болки во градниот кош и во грбот, а од вчера и болки во грлото. Од саботата сум хоспитализирана во болницата во Прилеп. Немам никакви индиции од кого и кога сум се заразила, бидејќи постојано бев дома. Контактирав само со сопругот, кој работи во трговија. И тој се тестираше, но неговите резултати сѐ уште не се готови – ни изјави пратеничката Смилеска.
