Полицајци од цела Македонија утрово пристигнаа во главниот град за да се справат со најавените протести против пресудите во случајот „Монструм“. Од полицијата велат дека максимално се подготвени за претстојните демонстрации.
Според најавите, протестот треба да започне после пладневната молитва. На протестот кој се одржа минатиот петок, кој кулминираше пред Судска палата, имаше неколкумина повредени од двете страни. По скопскиот и кумановскиот протест во кој имаше повредени десетина полицајци, МВР уапси и осомничи околу 20 насилници.
