Со авионот на Туркиш кој требаше да полета кон Истанбул требало да лета и Претседателот Иванов со делегација која од Истанбул патот требало да го продолжи кон Мадагаскар. 
Во авионот откако се качиле патниците, екипажот пронашол мобилен телефон на седиште за кои никој не пријавил дека е негов. Како што налагаат безбедносните процедури патниците биле евакуирани на безбедно а авионот е комплетно претресен и проверен.
Мкњуз доби потврда од аеродромските инфо служби дека е извршена проверка на авионот по што патниците повторно се качиле и авионот ќе полета кон својата дестинација.
Но како што јави Телевизија Нова чија екипа новинар и снимател требало заедно со Иванов да патуваат за Мадагаскар, делегацијата на Претседателот не се вратила во авионот. Од кабинетот на Иванов од безбедносни причини одлучиле да не патуваат со тој авион и откажана е посетата на Мадагаскар.
