Претставен проектот за изградба на тунели под Кале


Со подземни тунели под кале и нов мост преку реката Вардар ќе се спојуваат двете страни на Скопје, најави градоначалникот Шилегов. Целта на градските власти е со овој проект да се поврзе булеварот Свети Климент Охридски со Пластичарска улица во Чаир, односно да биде оформен вториот сообраќаен прстен во метрополата.

Комплетната документација се очекува да биде готова до септември идната година, кога ќе се распише и тендерот за изградба. Целиот проект ќе чини 25 милиони евра.

– Првата фаза – булевар Свети Климент Охридски од пред раскрсницата со булеварот Илинден со изградба на мост и вијадукт до тунелот. Втората фаза – тунелот како посебен и третата фаза – булевар Свети Климент Охридски и раскрсница со булевар Никола Карев- појасни Шилегов.

Целта на Град Скопје со овој проект е да го поврзе булеварот Свети Климент Охридски со Пластичарска улица во Чаир.

Булеварот ќе биде издигнат на височина од шест до девет метри. Потоа, од зградата на Владата на РМ сообраќајот ќе се одвива по нов мост преку реката Вардар кој ќе биде долг 173 метри, а широк 20 метри, и ќе има четири сообраќајни ленти.

Мостот ќе продолжува како вијадукт долг 262 метри се до влезот во тунелот под Калето.

Новото решение, како што беше речено на прес -конфернецијата, ќе го растовари сообраќајот во западниот дел од градското подрачје.

Оската југ-запад ќе стане пофункционална, а се очекува голем дел од возилата кои транзитираат кон северните делови на градот да се движат по новоизградената сообраќајница.

MK News

Автор инфо

No comments yet.

Остави коментар

UA-33057274-1