Игор Југ останува во затворот Шутка. Ваква одлука донесе судијата на претходна постапка по барањето на јавното обвинителство откако истече 30-дневниот притвор кој му беше претходно одреден.
Основното јавно обвинителство, пак, ја прошири истрагата и сега го товари Игор Југ и дека преземал дејствија како водач на толпата која упадна во законодавниот дом на 27 април, но и за кривично дело тероризам.
Ваквата мерка обвинителството побарало од судот поради постоење опасност од бегство, попречување на истрагата, како и можност за повторување на делото.
