Први фотографии од штетите предизвикани од најјакиот земјотрес во Охрид


Напукнати ѕидови и расфрлани предмети од балконите се јасно видливи на фотографиите кој светскиот сервис за известување за земјотреси ги објави во врска со попладневниот земјотрес во Охрид кој беше со јачина од 5 степени и се почувствува дури и во Скопје. Преку социјалните мрежи охриѓани јавуваат дека во домовите им паѓале предмети закачени на ѕидовите и имало слични помали штети.

Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, денес 3.7.2017 год., регистрира силен земјотрес чиј епицентар се наоѓа на 10км источно од Охрид. Земјотресот се случи во 13 часот и 18 минути и беше со Рихтерова магнитуда 5,0.

Според досегашните податоци земјотресот е почувствувн во епицентралното подрачје со интензитет од VII-VIII степени според Европската Макросеизмичка Скала. Со помали интензитети, земјотресот е почувствуван на цела територија на Република Македнија и околните земји. Податоци за материјлни штети се уште не се пријавени во сеизмолошката опсерваторија.

Два земјотреса беа почувствувани и рано изутрината во охридското епицентрално подрачје.

Сеизмолошката опсерваторија при Природно-математичкиот факултет во Скопје, соопшти дека епицентрите на овие земјотреси биле на 10 километри источно од Охрид. Првиот е регистриран во 3 часот и 9 минути со Рихтерова магнитуда 2,8 а беше почувствуван во Охрид, Ресен и околината со интензитет од III-IV степени според Европската макросеизмичка скала. Вториот се случи во 3 часот и 54 минути со Рихтерова магнитуда 3,7 и интензитет од V степени според Европската макросеизмичка скала.

Според досегашните податоци, земјотресите од оваа серија, која започна од 18 јуни, освен вознемиреност кај населението во охридското епицентрално подрачје, не предизвикале материјални штети.

Share Button
MK News

Автор инфо

No comments yet.

Остави коментар

UA-33057274-1