Четириесет и три годишниот скопјанец А.М. е лицето кое попладнево изврши разбојништво во филијалата на Стопанска банка во Ѓорче Петров.
Foto – Facebook
По грабежот, А.М. избегал со автомобил „Цитроен“ во правец во Карпош, но кај мостот Влајко бил пресретнат од „Алфите“. Скопјанецот вооружен со пиштол почнал да пука кон нив, на што полицијата возвратила.
Набрзо А.М. го запрел автомобилот и со возило на Брза помош, поради добиените повредите бил пренесен во Ургентниот центар, но се наоѓа надвор од животна опасност. А.М. е под силно полициско обезбедување во болницата.
Во меѓувреме, се уште трае увидот на полицијата кај мостот Влајко, како и во филијалата на Стопанска банка. Меѓу останатите предмети од лице место подигнато е и оружјето на А.М.
