Русија осомничена за болеста на американските дипломати во Куба и Кина
Истрагата на американската агенција за чудната болест на американските дипломати во амбасадите на САД во Куба и Кина упатува на Русија.
Според американските медиуми , Русија е главна осомничена , а тоа го докажало истражувањето ан ФБИ , ЦИА и другите агенции. Сепак , доказите не биле доволни за Вашингтон да ја обвини Москва за мистериозните болести на вработените во амбасадите .
Со чудната болест беа заболени 26 Американци вработени во амбасадата на САД во Хавана во 2016 , а на почетокто на годинава со слични симптоми се пожалиле вработени во конзулатот на САД во Гуанжоу .
Заболените се жалеле на губење слух, зуење во ушите, вртоглавица, главоболка и замор , што е својствено за ,,блага трауматска повреда на мозокот” , соопшти Стејт Департментот.
САД веруваат дека против вработените во амбасадите е употребена софистицирана електромагнетска опрема , заедно со друга технологија.
