Администрацијата на американскиот претседател Барак Обама протера двајца венецуелски дипломати, што уште повеќе ги уназадува американските напори за подобрување на односите со таа јужноамериканска држава по смртта на нејзиниот претседател Уго Чавес.
Протерувањето на венецуелските дипломати е противмерка за протерување на двајцата американски воени аташеа минатата недела, по смртта на Чавес.
Американски официјални претставници изјавија дека на дипломатските претставници Орландо Хозе Мартинес Оливерес и Виктор Камакар Мати им е наложено да заминат од САД в недела.
Покрај тие дипломатски контрамерки, венецуелските власти ги обвинија САД дека се одговорни за болеста на Чавес и поттикнуваат антиамериканско расположение пред изборите за нов претседател на Венецуела, закажани за април
