Едно од најпознатите археолошки наоѓалишта во Мексико, кое привлекува два милиони туристи секоја година, планира да воведе посебна такса за правење селфи на нивното тло.
Археолошкиот локалитет, Maya Тulum, којшто е воедно и национален парк во иднина ќе наплатува дури 2.42 долари за правење селфи. Туристичкиот водич од паркот појаснува дека толку ќе се плаќа и за внесување таблети, Го Про камери, аматерски камери и мобилни телефони.
Паркот веќе долго време е една од најголемите туристички атракции во Мексико. Својот зенит го достигнал помеѓу 13 и 15 век, кога успеал да се одбрани од нападите на шпанските освојувачи повеќе од 70 години.
Меѓутоа болестите кои им ги донеле доселениците од Европа, брзо го опустошиле и уништиле.
