Весникот „Дневник“ впишува дека пристигнал одговорот на грчкиот премиер Андонис Самарас на писмото кое пред дваесетина дена му го испратил македонскиот премиер Никола Груевски.
Kако што јавува „Дневник“, во одговорот Самарас ги одбива средбите со македонската страна на највисоко ниво со образложение дека немало потреба од нив бидејќи Грција не била таа што ги блокира евроинтеграциите, туку самата ЕУ не дозволува Македонија да оди напред.
Груевски пред дваесетина дена му испрати писмо на Самарас во кое тој побара директни и брзи средби меѓу двајцата премиери со нивни тимови за да се интензивираат преговорите за надминување на проблемот со името меѓу двете држави.
