Само четири жени се носители на пратеничките листи на политичките партии за претстојните парламентарни избори кои треба да се одржат на 11 декември.
Во изборната единица – 3, жени носители на пратенички листи имаат коалицијата „За промени и правда“ – Весна Стојменовска и Левица – Марија Џонс.
Во четвртата изборна единица, само Либералната партија – Даница Јованова и во петтата изборна единица, носител на листа е Радмила Шеќеринска од коалицијата предводена од СДСМ.
Според последните измени на Изборниот законик, застапеноста на женскиот пол на пратеничките листи е зголемена од 30 на 40 отсто. На првите три места мора да има по една жена.
