Јутуб објави дека ќе преземе мерки против неколку канали на својата платформа, вклучително и ограничување на пристапот до телевизиската станица RT во сопственост на Русија по руската инвазија на Украина.
„Со оглед на вонредните околности во Украина, преземаме неколку мерки. Оневозможуваме голем број канали за монетизација на YouTube, вклучително и неколку руски канали поврзани со неодамнешните санкции. Ќе продолжиме да го следиме развојот на настаните и можеби ќе преземеме дополнителни чекори“, рече портпаролотна Јутуб во саботата.
Твитер, пак, објави дека пристапот до платформата е ограничен во Русија поради инвазијата на Украина.
Твитер напиша дека е „свесен“ дека пристапот до платформата е ограничен на некои луѓе во Русија, додавајќи дека „работи на одржување на услугата безбедна и достапна“.
NetBlocks, компанија со седиште во Лондон која ги следи прекините на интернет и пристапот до интернет низ целиот свет, истакна дека пристапот до Твитер и неговите сервери е „ограничен на водечките мрежи“ во Русија.
Руските државни медиуми РТ и Спутник се забранети во сите земји на ЕУ, изјави Урсула фон дер Лајен
Таа рече, исто така, дека ЕУ ќе ја забрани „медиумската машина на Кремљ. Државните Russia Today и Sputnik, како и нивните подружници, повеќе нема да можат да ги шират своите лаги за да ја оправдаат војната на Путин и да сеат поделеност во нашиот сојуз“.
