Една од најдобрите тенисерки на сите времиња, Американката Серена Вилијанс (35), се пофали социјалните мрежи дека наскоро ќе стапне на лудиот камен со своето момче, Алексис Оханиан
Двојката повеќе од една година се забавуваше, а конечно решија тоа да го крунисаат со брак. Целата приказна ја опиша тенисерката.
Дојдов дома малку доцна, некој ми ја имаше спакувано торбата. Превозот чекаше – дестинација Рим, да ме доведе до мојот специјален „Принц”. Таму каде што ѕвездите првпат ни се судрија, сега тој круг беше заокружен. На истата маса каде првиот пат се сретнавме случајно. Овојпат не беше случајно, туку со намера – клекна на едно колено и кажа четири збора – јас реков ДА, ја опиша Вилијамс целата „бајка”.Веднаш под постот на Вилијамс на профилот на американската фирма „Редит”, каде нејзиниот иден сопруг е ко-сопственик, следеше и одговор од Оханиан.
Ме направи најсреќниот маж на светот, изјави Алексис.Датумот на свадба дополнително ќе биде објавен, но јасно е дека тенисерката се ближи до крајот на својата кариера и нема да биде изненадување ако во следниот период се посвети целосно на семејството, повлекувајќи се од спортот каде доминираше во изминатите години.
