Рони и неговата сестра Сиена Баден се родени со само 208 дена разлика. Нивната мајка Сејди Баден (31) која е воспитувачка била во шок кога после само три недели од породувањето со Рони открила дека повторно е бремена.
Таа и нејзиниот партнер Пол Денис (38) долго не можеле да имаат деца, па биле пресреќни, но биле шокирани кога малата Сиена се породила во 26-та недела од бременоста.
„Бидејќи две години се трудевме да го добиеме Рони не ни помисливме на второ дете. Кога по месец и пол од раѓањето на Рони, почувствува мачнина мислев дека сум фатила вирус.
Но, бидеќи секое утро чувствував мачнини, решив да направам тест за бременост. Резултатите ме шокираа. Мислев дека е грешка и дека е позитивен поради хормоните од бременоста со Рони. По неверувањето и шокот следеше возбуда што ќе имаме уште едно дете“, раскажала Сејди за „Daily Mail“.
Семејството поставило рекорд за најмала старосна разлика меѓу брат и сестра во Велика Британија, а братот и сестрата станале познати како „тандем близнаци“.
