Единаесет тела од вкупно 14 тела на починатите во невремето кое во саботата го погоди Скопје, денеска беа подигнати од нивните семејства во “АД Бутел”, информираа од претпријатието.
-Досега, само три тела не се превземени од нивните семејства. Проблемот кој се јави вчера денеска е решен на начин што АД Бутел издава службена белешка за починатиот со која семејството продолжува на нотар да потпише изјава дека лицето загинало во поплавите и со двата документи заедно, тие продолжуваат во болницата Букурешт и можат да ги превземаат телата. Така се надмина правниот вакуум кој настана и семејствата ги превземаа телата на починатите, велат од ПР агенцијата Априори која е задолжена за АД Бутел.
