Американскиот претседател, Доналд Трамп е ослободен од вина во судскиот процес кој се водеше во Сенатот, за негово отповикување, со што се стави крај на обидот на демократите за импичмент, кој длабоко ја подели нацијата… Сенатот, кој е под контрола на Републиканците, гласаше 52-48 по обвиненијата за злоупотреба на позицијата и 53-47 за опструкција на Конгресот.
Демократите го обвинија Трамп во Декември за вршење притисок и уцена на Украина, при што од властите во Киев очекувал да отворат истрага против синот на неговиот потенцијален ривал Џо Бајден… Доколку беше прогласен за виновен, Трамп ќе мораше да му ја предаде својата функција на потпретседателот Мајк Пенс.
