Познатиот стилист, од неодамна и ТВ-водител, Сергеј Варошлија во интервју за неговата матична куќа „1TV“ првпат отворено проговори за својот приватен живот.
Контроверзниот моден критичар во емисијата „Лица“ на Анета Кочишки како никогаш досега зборуваше за животните подеми и падови, за зависноста од наркотици, својата сексуална ориентација, за деновите исполнети со неизвесност и страв.
„Бев киднапиран среде бел ден, морав да му се јавам на татко ми кој имаше рак“, „Ќе бидам неискрен ако кажам дека е неточно дека консумирав дрога“ и „Мојот партнер е избркан од дома кога неговите дознале дека е со мене во врска“ се само дел од изјавите на Варошлија кои не ја оставија рамнодушна македонската јавност.
