Петре Шилегов од СДСМ, на поранешната министерка за внатрешни работи, Гордана Јанкулоска, треба да ѝ плати отштета од 200.000 денари за клевета, пресуди Основниот суд Скопје 2, на повтореното судење.
Според судијата, следејќи ги упатствата на Апелациониот суд, кој ја укина првостепената пресуда, според која Шилегов требаше да ѝ плати на Јанкулоска 500 илјади денари, и по разгледување на имотната состојба на тужениот, донел одлука отштетата да биде намалена на 200 илјади денари.
Одбраната на Шилегов најави дека ќе поднесе жалба на ваквото решение на судот, а на соопштувањето на пресудата не присуствуваа ниту Јанкулоска, ниту Шилегов.
Јанкулоска го тужеше Шилегов за клевета поради тоа што на неколку прес-конференции портпаролот на СДСМ објави дека Јанкулоска се стекнала со два стана во вредност од 200 илјади евра.
