Голем секс скандал ја потресе една косовска институција кога една студентка го обвини претседателот на Уставен суд на Косово, Енвер Хасани дека ја уценува со секс.
Видео снимката во која може да се види признанието на студентката неодамна е објавено во Косово, а приказната ја пренесе и весникот „Коха Диторе“. На видео снимката се појавува студентката која го обвинува Хасани дека од девојки бара сексуален однос во замена за преодна оценка на Универзитетот во Приштина.
Анонимната студентка ја раскажала приказната за една нејзина пријателка, која под притисок на Хасани прифатила да има сексуален однос во еден хотел во Приштина. Хасани кој предава на факултетот, го негирал сето ова и додал дека ова е политичка уцена, која доаѓа од луѓе кои имаат врска со Рамуш Харадинај, Алијансата за иднина на Косово.
