Штипјанец е тешко повреден откако синоќа околу 22 часот паднал додека се прекачувал преку банкината на мост на реката Брегалница без да забележи дека било провалија.
А.Д.(66) паднал од мостот од висина од околу седум метри. Од страна на екипа од Итна медицинска помош истиот бил пренесен во Клиничката Болница во Штип, каде му биле констатирани тешки телесни повреди и бил во животна опасност по што бил пренесен во Клиничкиот Центар во Скопје.
Увид извршила увидна екипа од СВР-Штип.
