Полицијата во Јапонија го уапси 54-годишникот Хидејуки Ногучи кој се сомничи дека дрогирал и сексуално злоставувал повеќе од 100 жени.
Жртвите верувале дека учествуваат во медицински истражувања, а мажот наводно им давал седативи откако ќе ги намамел во хотел, пренесе Јутарњи.
Жените се јавувале на огласите на кои се барале волонтери за „клиничко истражување за мерење на крвниот притисок во сон“.
Засега потврдени се 39 случаи на силување, но во полицијата веруваат дека вкупниот број жртви е поголем и дека ги има повеќе од сто.
Ногучи го снимал сексуалното злоставување и подоцна снимките им ги продавал на дистрибутерите на порно филмови. На тој начин заработил околу 85.000 долари.
