Васил Огненовски, синот на човекот што доби срце од починат донор не ја криеше радоста што неговиот татко успеа повторно да ја добие најважната битка, јавува Слободен Печат
Тој изрази голема благодарност и сочуство до семејството на починатата Емилија од Дојран.
„Ќе кажам само едно големо благодарам што со донирањето се спасија три животи. Еднаш докторите го вратија татко ми во живот, сега ова е вторпат. Да стивне болката и очекуваме да се запознаеме со семејството на Емилија. Да изразиме сочуство и да знаат дека срцето на нивната ќерка, мајка, сестра, се уште чука. Тоа не поврзува“, рече Огненовски.
