Така објавиле австралиски официјални претставници денес во најновиот извештај.
Во извештајот на австралиската управа за безбедност на воздушниот сообраќај на 55 страници истражувачите изјавиле дека до тој заклучок дошле споредувајќи го овој лет со претходните несреќи, но дека немаат никакви нови информации кои би го поддржале нивното мислење.
Истрагата укажува дека авионот се урнал појужно во Индискиот океан отколку што се претпоставувало, велат австралиските експерти кои сметаат дека подрачјето на потрагата би требало да се помести појужно во однос на досега пребаруваната област. Новото приоритетно подрачје е на околу 2.000 метри западно од Перт, во изолиран дел од океанот каде што има чести бури со силни ветрови и масивни гребени
Новата фаза на пребарување ќе чини околу 56 милиони долари и повеќе.
Новата анализа е објавена после повеќе од сто дена откако Боингот 777 со 239 патници и членови на екипажот исчезна на 8-ми март набрзо по полетувањето од Куала Лумпур кон Пекинг.
