Центраот за контрола на производите во Кина откри дека во некои автомобили кои се најдоа на кинескиот пазар, за нивна изолација бил користен асфалт, односно битумен кој е штетен за здравјето.
Меѓу производителите што се најдоа на удар се дел од германксите производители „Мерцедес – Бенз“, „БМВ“ и „Ауди“.
Целата работа стигна до медиумите откако возачите се пожалиле на чудниот и интензивен мирис во аутомобилите. Испарувањата од битумен се сметаат за канцерогени и многу штетни за здравјето.
„Ауди“ и „БМВ“ не дадоа официјални изјави, а од „Мерцедес-Бенц“ стигна соопштение дека битуменот што е користен во автомобилите е поинаков од оној што се користи за асфалтирање на патишта бидејќи е модифициран со полимери.
-Сакаме да ги увериме сите наши клиенти дека ниту еден материјал што е користен во производството на нашите автомобили не е штетан за здравјето, рече претставник на „Мерцедес-Бенц“ за кинескиот весник „Чајна Дејли“.
