Скопјанец, роден 1954 година, починал откако му се слошило за време на свеченото отворање на фестивалот „Охридско лето“.
Присутни на трагичниот настан, за Супер радио и Охрид прес, потврдиле дека лицето се пожалило дека не му е добро и побарало помош.
Следела брза реакција на екипите на Итната медицинска помош и лекари од Заводот за превенција, лекување и рехабилитација на кардиоваскуларни заболувања – „Свети Стефан”, во Охрид.
Скопјанецот бил реанимиран, по што околу 22 часот бил пренесен во Кардиолошкиот завод. Поради тешката состојба во која се наоѓал, починал 45 минути по полноќ.
