Група од 20 лица сопреле автобус, извлекле човек надвор и почнале да го тепаат, а некој го убил со удар со камен во главата. Меѓутоа тоа не ги запрело – го распарчиле и го запалиле, па тогаш еден човек, од одмазда, почнал да го јаде месото од нозете на жртвата…
Лидерот на групата која го извршила бруталното убиство минатата седмица во Централноафриканската република, кој бил снимен како го јаде месото од убиениот муслиман, барал одмазда поради убиството на неговата бремена сопруга, објавиле утрово од BBC, чиј репортер сам му пришол на канибалот.
Одмаздата е резултат на злосторствата кои ги прават припадниците на муслиманските милитанти од групата Селека, со чија помош на власт дошол претседателот Михаел Џитоди.
Бруталното убиство го признал и самиот канибал за репортерот на BBC, кој својата жртва ја видел во автобусот, а во акцијата му се придружиле уште 20-тина лица. Убиецот, Оуанџа Малори, за време на разговорот со новинарот на BBC, ја носел истата жолта маица која ја носел за време на убиството.
