Пожар избувна вечерва во фабриката за пелети во близина на Кванташки пазаr, пренесува Курир.
Од МВР за Курир ја потврдуваат информацијата истакнувајќи дека околу 20:20 часот добиле пријава за пожар на улицата „Вера Радосављевиќ“, поточно во фабриката на пелети „Вертиго Дизајн“. Пожарот кој избувнал од засега непознати причини, бил локализиран и изгаснат од 5 против пожарни возила. Повредени лица нема, а според првичните информации целосно изгорел хангарот кој служел како погон за репарирање на еуро пелети, виљушкар и разен алат.
Од полицијата додаваат дека увид ќе се врши во текот на утрешниот ден.
