Главен проблеми е неусогласеноста на платите со обемот на работа во судовите. Надлежните им вршат притисоци, а аминистративците велат дека не работат, туку рмбачат за ниски плати. Ако нивните барање се игнорираат најавуваат штрајк со глад, објави РСЕ.
– Очигледно е дека судската власт секогаш ја заборава администрацијата и затоа дојдовме пред Министерството за правда да потсетиме дека сме обесправени – рече денеска претседателот на УПОЗ Пецо Грујовски на протестот пред Министерството поради неисплатени надоместоци за плата на вработените во судската администрација.
Тој пред почетокот на протестот предупреди дека ако надлежните и натаму ги игнорираат нивните барања како во изминатите неколку месеци, тогаш од понеделник вработените во судската администрација ќе штрајкуваат со глад.
