На градските гробишта во Бутел е одржан погребот на 16-годишниот Иван Билински кој во саботата беше прегазен во близина на Католичката црква.
Другарите и соучениците од средното градежно училиште „Здравко Цветковски“ се збогуваа со трагично загинатиот Иван за кој велат дека бил ведро момче кое не ја симнувало насмевката од лицето.
Капелата пред гробиштата Бутел беше претесна за да ги собере сите оние кои сакаа да му оддадат последна почит на Иван, чија животна судбина ги потресе сите.
Младиот Иван во саботата во болница им подлегна на повредите, добиени откако во него удри џип Туарег управуван од 20-годишниот Џ.М, додека го тој го минувал пешачкиот премин. Од силината на ударот малолетникот беше отфрлен неколку метри, а за несреќата при полицискиот увид, останаа да сведочат неговите две патики.
Социјалните мрежи вчера вечерта беа преплавени со апели за донации на финансиски средства за достоен погреб на Иван, бидејќи неговите родители се во незавидна финансиска состојба. Паричните средства хуманите луѓе експресно ги собраа.
