Семејството Крсмановиќ од Ресник е обвиено во огрома тага откако вчера нивниот 4-годишен син случајно ја уби својата 8-годишна сестра со ловечка пушка.
Таткото на убиеното девојче вчера бил во шок, па како што посочиле неговите блиски пријатели и роднини, за српски Телеграф, тој дури се обидел да се самоубие и цело време зборувал дека не му се живее повеќе.
– Нема за мене живот без Хелена, ќе се убијам, извикувал несреќниот човек, поради што во нивната куќа постојано се присуни голем број на полициски службеници.
Соседка на семејството Крсмановиќ, која е нивна пријателка цели 20 години, едвај собрала сили да изјави дека ова е огромна трагедија за семејството и дека Хелена на сите многу ќе им недостасува.
– Хелена беше многу добро девојче, кога беше мала постојано доаѓаше со нејзината баба и си игравме. Ова е огромна трагедија, изјавила соседката Данка.
Според неофицијални информации, со несреќата дошло кога момчето и девојчето останале сами во собата во која се наоѓале две воздушни пушки. Момчето ја земало едната пушка со намера да си игра со неа, мислејќи дека не може да и наштети на неговата сестра. Случајно истрелал еден истрел од пушката кој на лице место ја усмртил негова 8-годишна сестра Хелена.
