Експерти утврдија дека агенцијата NSA може да ги прислушкува луѓето преку микрофонот на мобилните телефони, па дури и кога тој е исклучен.
Оваа теорија прв ја објави Едвард Сноуден во интервјуто со Брајан Вилијамс на вестите на NBC.
Истражувачите утврдија дека оваа техника е можна. Уредот може да делува како да се исклучува, а всушност тој се префрла во мод со екстремно мала потрошувачка со кој комуникационите чипови се уште работат.
Оваа состојба овозможува телефонот да прима команди, вклучувајќи ја и онаа за активирање на микрофонот.
Истражувачите напоменаа и дека е исклучително тешко да се утврди дали еден телефон е “под контрола” на шпионските агенции.
