Двократната шампионка на Вимблдон, чешката тенисерка Петра Квитова нападната е со нож во својот дом во обидот за грабеж.
Информацијата за ваквата немила случка ја пренесе портпаролот на тенисерката Карел Тејкал кој изјави дека таа е повредена во левата рака и е надвор од животна опасност.
Според неговите информации инцидентот се случил утринава во чешкиот град Простејов и тоа при обид за грабеж. Квитова пред краток период се повлече од чешката репрезентација која ќе настапи во Хопман купот, поради повреда на стопалото.
