Полицијата информира дека вчера во 17.20 часот во Кичево на ул. „Рудничка“ бил нарушен јавниот ред и мир со тепачка помеѓу браќата З.Д. и Ј.Д. од Кичево од една страна и К.С. и неговата сопруга М.Д. (поранешна сопруга на еден од браќата) од друга страна.
-Во тепачката К.С. со сигнален пиштол го удрил Ј.Д. во пределот на лицето, при што му скршил еден заб. Кај М.Д. во чантата бил пронајден нож. Причина за тепачката е разводот на М.Д. со еден од браќата, информираат од полицијата.
Сите се приведени во полициската станица Кичево и се преземаат мерки за целосно расчистување на случајот.
