Тимот на д-р. Жан Митрев во следните две години ќе се грижи за здравјето на сите македонски репрезентации во машка и женска конкуренција. Ова стои во договорот потпишан денеска од претседателот на Македонската кошаркарска федерација Петар Наумоски и првиот човек на Специјална болница „Филип Втори“ д-р. Жан Митрев.
Со овој договор опфатени се кошаркарите и кошаркарките од кадетската, јуниорската, младинската и сениорската репрезентација.
МКФ и специјалната болница соработуваа и во периодот од 2009 до 2013 година.
-Тимот на д-р. Жан Митрев и МКФ беа партнери во времето на најголемиот успех на нашата сениорска репрезентација, на патот на црвено жолтите кон историското четврто место на Евробаскетот во 2011 во Литванија, информираат од МКФ.
