Се чини дека Том Круз повеќе не може да го толерира мешањето на Скиентолошката црква во неговиот приватен живот па е на чекор да ја напушти, пренесува списанието „Ок“.
На актерот, според списанието, најтешко му паднало тоа што поради обврските во црквата, не ги проследил најважните моменти во животот на својата деветгодишна ќерка Сури, а сега е подготвен да го исправи тоа.
Круз планира да ја земе ќерка си со себе на светската промоција на филмот „Mission Impossible: Rogue Nation“.
– Така ќе помине квалитетно време со Сури која не ја видел со месеци и која ужасно му недостига, вели извор познат на списанието.
Том ја доби Сури од бракот со колешката Кејти Холмс, кој се заврши во 2012 година. Тогаш медиумите шпекулираа дека Скиентолошката црква имала удел во разводот со тоа што се мешала во односот на сопружниците.
