Пристигнале резултатите од обдукцијата – Дејан Тодоровиќ (3), синот на познатиот актер Жика Тодоровиќ, починал од синдромот „ненадејна смрт“.
Малиот Дејан починал во домот, најверојатно во сон. Пристигнала и’ екипа на Брза помош но во 19:45 часот можеле само да констатираат смрт.
И самата мајка се обидела да го реанимира, а лекарите велат дека не би успеале да го оживеат ниту да станувало збор за возрасен човек.
Неутешната мајка, Ана, едвај собрала сили да раскаже што се случило:
„Вчера беше сосема обичен ден. Бевме на лекар бидејќи Дејан беше болен, пиеше антибиотици. Го носевме на контрола. Си легна околу пет, малку да поспие. Заспа и после два и пол часа се обидов да го разбудам но беше вронат во постелнината, а усните му беа сини. Се уплашив и вриснав. Се обидов да го разбудам, но неуспешно“ рекла мајкта и додала дека Жика повикал брза помош.
Синдромот на ненадејна смрт е појава на смрт кај дете кое претходно било здраво, без клиничка слика или симптоми на некоја болест.
Постојат два ентитети: синдром на ненадејна смрт кај доенче и синдром на ненадејна смрт кај постаро дете. Младите родители никогаш не слушнале дека постои таков синдром.
„Синдромот на ненадејна смрт на доенче ги погодува децата на возраст до една година, најчесто во сон. Позачестен е кај момчињата, во зимскиот период, кај децата кои не ги дојат, кај децата кои користат цуцли и најчесто на возрст од 4. до 6. месеци живот. Синдромот на ненадејна смрт на постаро дете се јавува кај деца постари од една година, најчесто во сон. По зачестеноста помалку е застапена отколку кај доенчињата“ напишала др. Снежана Рсовац.
Кај постарите деца предвид доаѓале и ретки метаболички болести, кардиометрија, пореметувања на срцевиот ритам.
Превенција за нендејна смрт на доенчето претставуват низа мерки: спиење на грб, доење (децата кои се доени се побудни), тврда основа на креветот, спиење во сопствен кревет или колевка, не користење прекривка, не користење цуцла, одржување на температура од 18. до 22. степени,во просторијата, користење беби аларм.
Превенцијата кај пострите деца е режим на спиење и исхрана кој подразбира детето да не си легнува веднаш после оброкот, пријавување на педијатар доколку има потешко будење и слични симптоми кои за жал се многу непрепознатливи и неспецифични, додала доктор Рсовац.
