Ајзак Браун има пет годинии и боледува од ретко генетско нарушување, страда од конгенитална нечувствителност на болка, болест која е толку ретка што докторите воопшто не знаат кои совети да им ги дадат на родителите.
Доколку експертите успеат да го одредат изворот на ова нарушување, односно кој ген го пренесува, тоа сознание во иднина би можело да биде од голема помош на пациентите кои страдаат од огромни болки.
Станува збор за обратен процес од оној што веројатно еден ден би се спровел на Ајзак.
Конгениталната нечувствителност на болка со себе носи уште едно нарушување, а тоа е анхидрозата.
Од неа страдаат помалку од 100 луѓе во САД, а поради неа не може да се контролира ниту регулира телесната топлина, така што луѓето не чувствуваат ниту топло, ниту студено.
Од таа причина Ајзак мора да биде затворен дома и да носи специјален елек кој му ја намалува телесната температура. Според неговите родители, првите години од животот на детето биле екстремно тешки.
-Паѓаше на подот и ја удираше главата од маса, а нему тоа му беше смешно, вели Кери Браун, мајката на Ајзак, додавајќи дека често се случувало детето да се исече, падне или изгори без воопшто тоа да го забележи.
По многубројните прегледи, докторите ги советувале родителите да го научат Ајзак сам да ја препознава болката. Но, тој веќе не ги разликува ситуациите кога има опасност по неговиот живот.
Кога ја скршил карличната коска на детско игралиште, Ајзак знаел дека нешто не е во ред, но мислел дека го боли зглобот. Во тој миг родителите сфатиле дека детето всушност не чувствува ништо, дека му е потребна 20 до 30 пати посилна болка за да може да ја лоцира.
Родителите се надеваат дека наскоро ќе се пронајде решение за состојбата на нивниот сон, а дотогаш Ајзак ќе мора да биде многу внимателен, бидејќи од тоа му зависи животот.
