Во сообраќајна несреќа која се случила денеска околу 14.30 часот на патот Гевгелија – Богданци загинаа двајца млади жители на Богданци, извести МВР.
Според истрагата, возило „ауди-3“ управувано од Б.Џ. (1997) од Богданци се судрило со возило „форд фиеста“ управувано од Љ.П (1977) од Кавадарци.
Во несреќата загинале М.Ш. (1997) и К.П. (2000) и двајцата од Богданци, сопатниците во „аудито“, додека возачите здобиле тешки повреди и се пренесени во гевгелиската болница. Но, возачот на „аудито“ починал во гевгелиската болница од тешките повреди.
Од полицијата велат дека еден повреден е пренесен на лекување во Кавадарци.
