Општина Центар ја поздрави одлуката на Град Скопје да се приклучи кон идејата на градоначалникот на општина Центар, Андреј Жерновски, за прекин на наставата во оновните училишта.
„Мора итно да се донесат мерки за заштита од загадениот воздух. Утрово, воздухот во Центар е загаден 9 пати повеќе од дозволеното, а вчера Скопје беше најзагаден град во Европа. Прекин на наставата е најбрзата од низата на мерки кои треба да се донесат час поскоро, за децата да не трпат последици по здравјето“, се наведува во соопштението.
Од општината посочуваат дека во европските метрополи Милано и Рим итно се донесоа мерки, како што се “Ден без автомобил“ и “Анти-смог евтини билети за градкиот превоз”. Во Милано, исто така е прекината и наставата за учениците, а просечното загадување е двојно помало од загадувањето во Скопје.
„Затоа, уште еднаш апелираме до Мнистерството на образование и наука овојпат да ја прифати нашата иницијатива и да донесе одлука за прекин на наставата за да се заштититат децата. Исто така, апелираме до Градот Скопје и другите надлежни институции, да ги разгледаат сите останати можности и мерки и веднаш да се усвои пакет решенија за заштита на здравјето на граѓаните. Ситуацијата од ден на ден е се поалармантна и веќе време за губење нема“, порачуваат од општина Центар.
