Продолжува влијанието на моќниот циклон Силвија кој во текот на вчерашниот ден (среда) донесе големо невреме во голем дел од државава предизвикувајќи штети и паднати дрвја во скопскиот регион а на многу места е регистрирана и појава на град, објавува метеорологот Славчо Попоски.
Во текот на денешниот ден, четврток претпладнево на запад ќе има нешто повеќе сончеви периоди додека на исток ќе биде променливо и нестабилно со локална појава на дожд и услови за грмежи.
Од пладневните часови па натаму ќе биде нестабилно на многу места со пороен дожд, грмежи и засилен ветер. Локално процесите ќе бидат поинензивини проследени со интензивен пороен дожд, засилен ветер, силни електрични празнења и појава на град.
Во зоната на големата нестабилност има услови за значително количество на воден талог за кратко време кое може да услови локални поројни поплави.
