Јавното обвинителство на Истанбул покрена обвиненија за корупција против синовите на двајца министри во турската влада, во рамки на корупцискиот скандал во кој би можел да биде вмешан и турскиот премиер Реџеп Тајип Ердоган.
Врз основа на обвиненијата истанбулски суд на двајцата обвинети им изрече мерка пртивор.
Покрај синовите на министрите за внатрешни работи и за економија, Муамер Ѓулер и Зафер Џаглајан, кои се во притвор, за корупција, измами, илегална трговија на злато и присвојување на туѓ имот, се обвинети уште неколку лица, меѓу кои и директороот на турската државна „Халк банка“, Сулејман Аслан.
Во акцијата која почна во вторникот, уапсени се околу 80-ина лица, а 30 полицајци, вклучувајќи го и шефот на полицијата во Истанбул, се разрешени од позициите.
Премиерот Ердоган оцени дека станува збор за валкана операција насочена против турската влада..
