На подрачјето на општина Прешево и Врање, вчера се уапсени околу 20 лица кои се осомничени за трговија со луѓе и шверц на цигари а помеѓу приведените има и полицајци и царници.
Како што дознава агенцијата Бета, во акцијата во која учествувале пограничните полиции на Србија и Македонија, вчера изутрината се извршени повеќе апсења.
Освен на подрачјето на Прешево и Врање, акцијата за апсење на осомничени за трговија на луѓе и шверц на цигари е проширена и во македонското село Лојане кое се наоѓа во непосредна близина со општина Прешево.
Според податоците на полициската управа во Врање, на подрачјето на таа управа во текот на минатите години се фатени повеќе од 6.000 илегални емигранти од Авганистан, од Блискиот исток и земјите од Северна Африка кои доаѓале од Македонија.
