Вооружен инцидент се случи попладнево во Чаир на улица Џон Кенеди, пред средното училиште „Цветан Димов”. Засега непознати лица пукале со автоматско оружје, за кое МВР претпоставува дека е „АК-47“ пукале кон Бујар Идризи (1993) од Скопје кој излегувал од своето „југо-45“.
Момчето е пренесено во Ургентиот центар без знаци на живот, потврдија од Клиниката за анестезија, реанимација, интензивно лекување (КАРИЛ).
Директорот на КАРИЛ, Илир Хасани изјави дека е извршена 45-минутна реанимација, но безуспешно.
На местото на настанот увид вршеа полициски службеници и се преземаат мерки за расчистување на случајот. Мотивот за убиството засега е непознат.
