Србинот (39) кој живее во Видена, ја убил својата сопруга (38) во четвртокот околу 07:30 со повеќе убоди по градите по бурна расправија во семеен стан.
Како што вели австриската полиција, убиецот најверојатно од местото на злочинот избегал и отишол кај свој роднина, каде е најден мртов во бавчата, па се мисли дека по злочинот извршил самоубиство.
Страшниот призор прв го здогледал синот (16) од брачниот пар, кој за време на крвавата пресметка најверојатно спиел, додека младиот син (12) бил на училиште. Тинејџерот веднаш повикал Брза помош, но лекарите можеле само да констатираат смрт.
Насилникот, инаку имал забрана за приоѓање на сопругата, и не му било дозволено да влегува во станот во кој таа живее со синовите. Бракоразводната парница била во тек. Сега синовите останаа без своите родители и се превземени од социјална служба.
Несреќната жена била под заштита на австриска агенција која се бори против насилство во семејството.
–Ние се грижевме за таа жена и многу сме вознемирени со оваа трагедија. Изгледа дека нејзиниот случај не е сфатен доволно сериозно, изјави Риза Логар, потпаролката на агенцијата.
